विराटनगर । नेपाल कम्युनिष्ट पार्टीका महासचिव नेत्रविक्रम चन्दले देश जटिल संक्रमणको अवस्थामा रहेको दावी गरेका छन् । समाजवादी मोर्चाले विराटनगरमा सोमबार आयोजना गरेको सन्देश सभामा बोल्दै उनले देश उकुश–मुकुश अवस्थामा रहेको दावी गरेका हुन् ।
‘पूर्वमा पहिचानको कुरा छ । युवा सन्तुष्ट छैनन् । यसको सामना कसले गर्ने र कसले सच्याउने’ विप्लवले प्रश्न गर्दै भने–उत्पीडन महसुश भए आन्दोलन हुन्छ ।
उनले धार्मिक, सांस्कृतिक विरोधलाई समाधान गर्न समाजवादी मोर्चाले काम गर्नुपर्ने बताए । तर, पुरानो तरिकाले नभई नयाँ तरिकाले मात्रै त्यो काम सम्पन्न गर्नुपर्नेमा उनको जोड थियो ।
