विराटनगर । नेपाल कम्युनिष्ट पार्टी (एकीकृत समाजवादी) का अध्यक्ष माधव कुमार नेपालले एमालेमा धेरै मेहनत गरेको बताएका छन् ।
समाजवादी मोर्चाले विराटनगरमा आयोजना गरेको सन्देश कार्यक्रममा बोल्दै अध्यक्ष नेपालले महेन्द्र मोरङ पढ्दै एमाले स्थापना गर्नका लागि गरेको मेहनत सम्झेका हुन् ।
‘हामी मिसन समाजवाद लिएर देश दौडाहामा निस्किएका हौ, हामी जनतामा आशा जगाउन चाहन्छौ’ उनले भने, विकृति हटाउने प्रयास हुनुपर्छ । विराटनगरको महेन्द्र मोरङ क्याम्पस पढेर स्नातक गरेको स्मरण गर्दै एमाले विराटनगरमै स्थापना गरेका समेत बताए ।
