विराटनगर । अन्तराष्टिए महिला दिवस (८ मार्च) को सन्दर्भ पारेर विराटनगरमा विविध कार्यक्रम आयोजना गरिएका छन् । विराटनगरमा ११४ औँ अन्तराष्टिय महिला दिवसको सन्दर्भमा क्रियाशिल महिलावादी संघसंगठनको आयोजनामा कार्यक्रमहरु मनाइएको हो ।
बिहीबार हिमालय रोडमा ‘महिला लगानी : सभ्य र सम्मुनत समाजको थालनी’ भन्ने मुल नाराका साथ प्रभातफेरी गरिएको थियो । साँझ दीप प्रज्ज्वलन गर्ने कार्यक्रम राखिएको छ ।
अन्तराष्ट्यि महिला दिवस मनाउने सन्दर्भमा सप्ताहाब्यापी कार्यक्रम आयोजना गरिदैं आएको छ । शुक्रबार ८ मार्च शिवरात्री परेको छ ।
यसैगरी महिला मानव अधिकार रक्षकहरुको राष्ट्रिय सञ्जाल मोरङले प्रमुख जिल्ला अधिकारीमार्फत प्रधानमन्त्रीलाई ध्यानाकर्षणपत्र बुझाएको छ । दिनप्रतिदिन जघन्य अपराध र दण्डहिनता बढ्दै गएको भन्दै प्रमुख जिल्ला अधिकारी प्रेमप्रसाद भट्टराईमार्फत ज्ञापनपत्र बुझाइएको हो ।
