विराटनगर । विराटनगरमा रहेको हिमालय दर्शन कलेजले कोशी प्रदेश टप गर्ने र प्रदेशमा दोस्रो हुने विद्यार्थीलाई सम्मान गरेको छ ।
वि. आइ. एम. तेस्रो सेमेस्टरको प्रकाशित परीक्षाफलामा ३.९५ जि.पि.ए. ल्याएर कोशी प्रदेशमै टप गर्ने शिवु शर्मा र वि.एच. एम तर्फ ३.८९ जि.पि.ए. ल्याएर प्रदेश दोस्रो हुन सफल प्रितिका थापालाई कलेजले एक कार्यक्रम आयोजना गरी सम्मान गरेको छ ।
सम्मानित उत्कृष्ट परीक्षाफल ल्याउने विद्यार्थीहरुलाई कलेजले छात्रा छात्रवृति दिने गरेको प्रिन्सिपल भरत सापकोटाले जानकारी दिए ।
सम्मानित विद्यार्थीहरुलाई कलेजका डाइरेक्टर भेषराज पोखरेल, शैलेन्द्र सिवाकोटी लगायतले खादा लगाएर सम्मान गरेका थिए।
