विराटनगर। बुढीगंगा गाउँपालिकामा बुधबार बिहान मोटरसाइकल दुर्घटना हुँदा एक जनाको मृत्यु भएको छ।
मृत्यु हुनेमा विराटनगर-४ का २० वर्षीय करण मण्डल रहेका छन्।
बुढीगंगा गाउँपालिका-१ स्थित भित्री सडक खण्डमा रोकेर राखेको को २ ह २०८ नम्बरको सिटीसफारीलाई प्रदेश १-०२०५० प नम्बरको मोटरसाइकलले ठक्कर दिँदा मोटरसाइकल चालक मण्डलको घटना स्थलमै मृत्यु भएको जिल्ला ट्राफिक प्रहरी कार्यालय मोरङले जनाएको छ।
