विराटनगर १३ स्थित खाकी बाबाद्वारा स्थापित रामजानकी मन्दिरका पुजारीको घरमा अज्ञात ब्यतिले हतियार देखाई लुटपाट गरेका छन् । शुक्रवार राती ११ बजे दुई जना व्यक्तिले दुई लाख रकम र आधा तोला सुन चोरी गरेका हुन् ।
पुजारी ८८ वर्षीय भवनाथ कोइराला र उनकी श्रीमती दिल कुमारी कोइरालाका अनुसार शुक्रवार राति ११ बजे आसपास अज्ञात ब्यक्तिहरुले हतियार देखाउदै मन्दिर छेउमा रहेको दम्पतिको कोठामा भएको टिनको बाक्साबाट दुई लाख नगद र दिल कुमारी कोइरालाले लगाएको कान,नाकको गरी आधा तोला सुन लिएर फरार भएका हुन् । चोरी गर्न आउनेले कोठाको बत्ति समेत निभाएर उनीहरुको साथमा भएको टर्च लाईट प्रयोग गरेका थिए ।
लछारपछार गरेका कारण भवनाथको घाटीमा र दिल कुमारीको अनुहारमा केहि चोटपटक लागेको छ ।
घटनापछि उनीहरु फरार भएका हुन् । वडा नंं. १३ का वडा अध्यक्ष तथा मन्दिरको समिति अध्यक्ष सुर्यलाल यादवले प्रहरीमा खबर गरिसकिएको जानकारी दिए ।
मन्दिरमा सुरक्षको लागि केहि दिनमा सि सि टि भि क्यामरा जडान गरीने अध्यक्षको भनाई छ । मन्दिर परीसरमा रहेको नवनिर्मित भवनमा आवश्यक निर्माण कार्य पुरा गरी सुरक्षित तवरले दुई दम्पतिलाई बस्ने ब्यवस्थाको योजना बनाईरहेको उनको भनाई छ । यता ईलाका प्रहरी कार्यलयका प्रहरी निरीक्षक सन्दिप वेलबासे ले निवेदन आउनसाथ अनुसन्धान थालिएको बताए ।
