विराटनगर । विराटनगरमा रहेको दिल्ली पब्लिक स्कुलको कक्षा १० र १२ को नतिजा यस वर्ष उत्कृष्ट आएको छ ।
केन्द्रीय माध्यमिक शिक्षा बोर्ड (सीबीएसई) अन्तर्गतको नतिजा अनुसार दिल्ली पब्लिक स्कुल विराटनगरबाट परिक्षामा सामेल भएका सबै विद्यार्थी उत्कृष्ट अंक ल्याएर उत्तीर्ण हुन सफल भएका छन् ।
कक्षा १० का सक्षम अग्रवालले गणित विषयमा १०० अंकसहित समग्रमा ९८ प्रतिशत ल्याएर स्कुल प्रथम र बृन्दा प्रतानीले ९५ प्रतिशत ल्याएर द्वितीय भएकी छिन् । यसैगरि सीबीएसई परिक्षामा कक्षा १२ का कुमार प्रभात ९१ प्रतिशत ल्याउदै साइन्स विषयमा उत्कृष्ट भएका छन्। भने कृष्ण शर्माले ८९ प्रतिशत अंक प्राप्त गरि कमर्श विषयमा उत्कृष्ट भएको स्कुलले जनाएको छ।
विद्यालयले अभिभावकसहित विद्यार्थीहरुलाई खादा ओढाएर सम्मान गरेको छ । दक्ष तथा अनुभवी प्राध्यापक, प्रशिक्षकबाट प्रशिक्षण गराईने हुँदा सधैँ राम्रो नतिजा ल्याउन सफल भएको स्कुलले जनाएको छ।
