विराटनगर । डिपिएस विराटनगर र विकेभीएम स्कुलबीचको मैत्रीपूर्ण फुटबल खेल बराबरीमा टुंगीएको छ।
शनिबार डिपिएस स्कुलको खेल मैदानमा भएको मैत्रीपूर्ण फुटबल खेलमा १/१ गोलको बराबरीमा टुंगीएको हो।
दिगो सिकाईका लागि खेल कार्यक्रम अन्तर्गत मैत्रीपूर्ण फुटबल खेलको आयोजना गरेको डिपिएस स्कुलले जनाएको छ।
डिपिएस स्कुलतर्फबाट जेनिल विष्ट र विकेभीएम स्कुलका मेहेबुब आलमले १/१ गोल गरे। यसैगरि दिगो सिकाइका लागि खेल (Sports for Sustainable Learning) कार्यक्रम अन्तर्गत डिपिएस स्कुलले फुटबल लगायत विभिन्न खेलहरू जस्तै : बास्केटबल, क्रिकेट, रोलर स्केट, टेबल टेनिस, आदि खेलहरू पनि अन्य विद्यालय तथा क्लबहरूसँग मिलेर मैत्रीपूर्ण खेल आयोजना गर्ने र खेलमा रूचि राख्ने विद्यार्थीहरुको लागि खेल सिपको प्रवर्धन गर्ने तथा विकास गर्न सहयोग पुर्याउने स्कुलका प्रिन्सिपल बि बि लिम्बूले जानकारी दिए।
मायाको चिनो मुख्य प्रशिक्षक सुमित डङ्गोलले वितरण गरेका थिए।
