विराटनगर । विराटनगर १० मा रहेको ईडेनबर्ग कलेजले विद्यार्थीहरुको स्वागत तथा विदाई कार्यक्रम गरेको छ । सो कलेजले बिबिएस र बिबिएमा अध्ययन पुरा गरेका विद्यार्थीहरुको बिदाई तथा सोहि संकायमा भर्ना हुन आएका नयाँ विद्यार्थीहरुलाई स्वागत कार्यक्रम गरेको हो । विराटनगरको एक पार्टी प्यालेसमा कार्यक्रम आयोजना गर्दै विद्यार्थीहरुको स्वागत तथा विदाई गरिएको हो ।
कार्यक्रमकाबीच यसबर्ष बिबिए र बिबिएसमा भर्ना हुन आएका ४ सय ११ जना विद्यार्थीलाई स्वागत तथा ४ बर्षे कोर्ष पुरा गरेका २ सय जना विद्यार्थीलाई विदाई गरिएको ईडेनबर्ग कलेजका प्रिन्सिपल दिपनारायण साहले जानकारी दिनुभयो । सो अवसरमा बिबिएस तेश्रो बर्षमा अध्ययरत सृजना कुमारी मेहतालाई स्वर्गिय कृष्ण देवान स्मृति पुरस्कार २०८१ बाट पुरस्कृत गरिएको छ ।
पुरस्कार अन्र्तगत मेहतालाई एकबर्षमा लाग्ने सम्पुर्ण शुल्क उपलब्ध गराईएको छ । उक्त पुरस्कार कलेजका पुर्व कर्मचारी स्वर्गिय कृष्ण देवानको स्मृतिमा उहाँका छोरा पत्रकार प्रेम देवानले स्थापना गरेका छन । यसैगरि बिबिएस दोश्रो बर्षमा अध्ययनरत आरिफ अंसारीलाई कलेजको तर्फबाट छात्रबृति प्रदान गरिएको छ । हाल ईडेनबर्ग कलेजमा १ हजार ३ सय ५० जना विद्यार्थी अध्ययनरत रहेको कलेजका संचालक भुवन नेपालले जानकारी दिनुभयो ।
सो अवसरमा विद्यार्थीले सांस्कृतिक कार्यक्रम समेत प्रर्दशन गरेका थिए । कार्यक्रममा त्रिभुवन विश्वविद्यालयका सह परीक्षा नियन्त्रक डिल्ली प्रसाई र कोबास कलेजका प्रिन्सिपल सुनिलकुमार श्रेष्ठ लगायतको सहभागिता थियो ।
