विराटनगर। विराटनगर-१५ स्थितबाट लागुऔषध ब्राउनसुगरसहित एक जना भारतीय नागरिक पक्राउ परेका छन् ।
शुक्रबार दिउँसो १ बजे लागुऔषध नियन्त्रण ब्युरो विराटनगरबाट खटिएको प्रहरी टोलीले भारतबाट नेपालतर्फ आउदै गरेका पैदल यात्री भारत विहारका २२ वर्षीय मुजमिल अन्सरीलाई शंका लागी चेकजाँच गर्दा उनको साथबाट १ ग्राम ६ मिलिग्राम ब्राउनसुगर बरामद भएको हो ।
ब्राउनसुगरसहित पक्राउ परेका अन्सरीको घटना सम्बन्धमा थप अनुसन्धान भईरहेको प्रहरीले जनाएको छ ।
