विराटनगर । विराटनगर महानगरपालिका–१७ स्थित मटेरूवाबाट स्रोत नखुलेको नगद सात लाख रुपैयाँसहित दुई जनालाई प्रहरीले पक्राउ गरेको छ ।
पक्राउ पर्नेहरूमा सोही महानगरपालिका–७ बस्ने २४ वर्षीय सुशान्त यादव र भारत अररिया जोगवनी–३२ बस्ने ३४ वर्षीय सानतुन राय रहेकाको प्रहरीले जनाएको छ।
अस्थायी प्रहरी पोष्ट मटेरूवाबाट खटिएको प्रहरीले भारतबाट नेपालतर्फ आउँदै गरेको को.३९ प ६००२ नम्बरको स्कुटरलाई जाँच गर्ने क्रममा चालक यादव साथबाट तीन लाख र स्कुटरमा सवार सानतुनको साथबाट चार लाख रुपैयाँ फेला पारी दुवै जनालाई मंगलबार दिउँसो पक्राउ गरेको हो ।
घटना सम्बन्धमा थप अनुसन्धान भई प्रहरीले जनाएको छ।
