विराटनगर । मैथिली एसोसिएसन नेपालले विराटनगरमा आयोजना गरेको मान इन्टरनेशल अवार्ड वितरण समारोहको सम्पूर्ण तयारी पुरा भएको जनाएको छ ।
आयोजकद्वारा आज यहाँ आयोजित पत्रकार सम्मेलनमा यही मङ्सिर १५ गते हुने कार्यक्रममा विभिन्न विधामा उत्कृष्ट योगदान गर्ने ६० व्यक्तित्वहरुलाई अवार्ड प्रदान गरिने आयोजक समितिका अध्यक्ष प्रविणनारायण चौधरीले जानकारी दिनुभयो ।
यसैगरी अन्य ४५ विशिष्ट व्यक्तित्वहरुलाई सम्मानपत्रसहित सम्मानित गर्ने कार्यक्रम रहेको छ । विभिन्न भाषाभाषीका समुदायहरुलाई मैथिलीसँग जोड्न र मैथिली–मिथिलाको कार्यक्षेत्रलाई विस्तार गर्नु कार्यक्रमको मुख्य उद्देश्य रहेको आयोजकले जनाएको छ ।
