विराटनगर । उपकुलपतिमा बिहिवार दोस्रो कार्यकालका लागि पुन नियुकित्त भएका डा.सुवासश्री पोखरेलले मनमोहन प्राविधिक विश्वविद्यालयको गुणस्तर बृद्धि गराएर अन्तराष्ट्रिरको बनाउन आफुले तयार पारेको मिसन २०७५ रणनीति पुरा गरेरै छाडने प्रतिबद्धता जनाएका छन् ।
कोशी प्रदेश सरकारका मुख्यमन्त्री तथा विश्वविद्यालयका कुलपति हिक्मतकुमार कार्कीबाट ११ पुस विहान पुन नियुक्त्ति भएर सपथग्रहण लिइसकेपछि पदभारग्रहण गर्दै उपकुलपछि पोखरेलले आफ्नो दोस्रो चार बर्षे कार्यकालमा मिसन २०८५ राण्नीति सफल बनाएर सर्बोत्तम महितका लागि विश्विद्यालयलाई अन्तराष्ट्रिय स्तरको बनाएर छाडने प्रतिबद्धता जनाएका हुन् ।
पदभार ग्रहण गर्दै पुन नियुक्त्त भिसी(भाइस चान्सलर) पोखरेलले पहिलो चार बर्षे कार्यकालमा मनमोहनले चार बिषयमा स्नतातक र दुई बिषयमा स्नातोकोत्तर कक्षा सञ्चालन गर्न सकेपनि पर्याप्त नभएकोले थप पाठयक्रम निर्माण गरेर विभिन्न बिषयमा पिएचडीसम्मको पठनपाठन गराउनका लागि विश्वविद्यालयलाई भौतिक पुर्वाधार सम्पन्न बनाउन मिसन २०८५ रणनीति तयार गरेको पदाधिकारी र कर्मचारीहरुलाई जानकारी गराए । उनका अनुसार मिसन २०८५रणनीति भित्र अत्यावश्यक मुख्य १८ कार्यभारहरु रहेका छन । जसमा जम्मा १०८ वटा कामहरु सम्पन्न गर्नुपर्ने छ ।
तयार पारिएको रणनैतिक प्रतिवेदन अनुसार आगामी मिसन २०८५ का लागि मनमोहनले थप १८ वटा पाठयक्रम निर्माण गर्नुपर्नेछ । पाठयक्रम निर्माणपछि ५ वटा बिषयमा पिएचडी र १० वटा माष्टर्स र १२ वटा थप व्याचलर तहकको कक्षा सञ्चालन गर्नेछ । यसैगरि विश्वविद्यालयलाई अनुसन्धानमुलक बनाउन विभिमन्न १८ वटा ल्यावहरु निर्माण गर्नुपर्नेछ । जसमा वाटर , जडिबुटी , मेडिसिन, एनिमल देष्टिङदेखी फरेन्सिक , प्याथोलोजी , जेनेटिक्स, नेचुरोपेथी, वायोमडिकल , हाईभोल्टेज कन्ट्रोल , सुपर कमप्युटर , हेमाटोलोजी , फिजियोथेरापी ईक्योलोजी लगायत ल्यावहरु रहेका छन ।
यसैगरी मिसन २०८५ सम्ममा विश्वभरका १८ वटा विश्वविद्यालयसँग सम्झौता गर्ने योजना छ । दक्ष विद्यार्थी उत्पादन गर्न विभिन्न देशहरुबाट कम्तीमा एउटा बिषयमा एक जना विदेशी विज्ञ शिक्षक ल्याइने छ । यसवाहेक विश्वविद्यालयले आफनै तारामण्डल निर्माण गर्नेछ भने साईन्स म्युजिएम सहितको विज्ञानपार्क पनि निर्माण गर्ने योजना छ । सँगै मडिकलतर्फको प्राविधिक विषय अध्यापक गराउनका लागि आफनै शिक्षण अस्पताल निर्माण गर्ने अनुसन्धान केन्द्रलाई अन्तराष्ट्रियस्तरको बनाउने , परिसरभित्रै स्विमिङ पुल, मेडिसिनल ( जडिबुटी ) गार्डेन निर्माण गर्नेदेखी फिजिकल फिटनेस सेन्टर स्थापना गरिसक्ने मिसन २०८५ को योजना छ । यसबाहेक एक हजार जना सहभागी हुने अडोटोरियम हल , पाँच हजार क्षमताको स्टेडियम निर्माण गर्ने अलग्गै टिचिङ ब्लकदेखी आफनै ग्रोसरी कम्पलेक्स बनाउने मनमोहनको योजना छ । यसैगरि विश्वविद्यालय क्षेत्रलाई मनमोहन स्मार्ट सिटीका रुपमा विकास गराउने , आफ्नै मनमोहन कानुन ब्लक बनाउने , एनिमल हाउस तयार गर्ने , ईलेक्ट्रिक टेष्टिङ सेन्टर स्थापना गर्ने लगायतका कार्यभारहरु मनमोहनले लिएको छ ।
मिसन २०८५ का लागि आवश्यक १८ कार्यभार पुरा गर्नकालागि बीस अर्ब बढी लाग्ने भएकोले बजेटका लागि कोशी प्रदेश सरकार , संघिय सरकार, अनुदान आयोगदेखी विभिन्न नियोगहरुसँग सहयोग सम्झौता गर्ने मनमोहनको नीति छ । भिसी पोखरेलले भने ,‘ हामीले धेरै अनुसन्धानका लागि युरोपियन युनियनको सँग सम्झौता पनि नगरिसकेका छौ ।,कोशी प्रदेशका मुख्यमन्त्री तथा कुलपति हिक्मतकुमार कार्कीले पनि सकेसम्म आफनो सरकारको विश्वविद्यालयलाई बजेटको कमी हुन नदिने प्रतिबद्धताा जनाएका छन । प्रदेश सरकारको क्षमताले नभ्याए संघिय सरकार र विभिन्न दातृ निकायहरुबाट पनि स्रोत संकलन गरेर आफनो रणनैतिक योजना पुरा गराउने मनमोहनको लक्ष्य रहेको छ ।
