विराटनगर । धनकुटाको पाख्रिबासमा पिकअप दुर्घटना हुँदा दुई जनाको मृत्यु भएको छ ।
जिल्लाको पाख्रिबास नगरपालिका ३ स्थित पाख्रिबास हिले सडकखण्डको जौटारमा बिहीबार राति ९:१० बजे पिकअप दुर्घटना भएको थियो ।
प्रदेश प्रहरी कार्यालय विराटनगरका प्रवक्ता भीम दाहालका अनुसार को १ ज २६३९ नम्बरको पिकअप पाख्रिबासबाट हिलेतर्फ जाँदै गर्दा सडकबाट करिब १५० मिटर तल खसेर दुर्घटना भएको थियो । मृत्यु हुनेमा चालक पाख्रिबास ९ उत्तरपानीका का ३९ वर्षीय शुक्र बहादुर तामाङ र सहचालक सिरहाको लाहान ५ का २४ बर्षिया प्रमोद मल्लिक रहेका छन् ।
सहचालक मल्लिकको दुर्घटनास्थल मै मृत्यु भएको र चालक तामाङलाई जिल्ला अस्पताल पुराउन साथ चिकित्सकले मृत घोषणा गरेको प्रदेश प्रहरी कार्यालय विराटनगरले जनाएको छ ।
