विराटनगर । विराटनगर २ स्थित सेन्ट जोसेफ स्कुलमा ४७ औं अभिभावक दिवस सम्पन्न भएको छ। कार्यक्रममा नर्सरीदेखि कक्षा ४ सम्मका विद्यार्थीका करिब ७०० अभिभावकहरुको उपस्थिति रहेको थियो।
कार्यक्रमका प्रमुख अतिथि विराटनगर महानगरका मेयर नागेश कोईरालाले आफू पनि सेन्ट जोसेफको पूर्व विद्यार्थी रहेको स्मरण गर्दै विद्यालयले कोशी प्रदेशमा मात्र नभई देशभरी नै उत्कृष्ट शिक्षा प्रदान गरी दक्ष र योग्य नागरिक उत्पादनमा महत्वपूर्ण योगदान पुर्याइरहेको बताए।
कार्यक्रममा विद्यार्थीहरुले गायन, नृत्य र नाटक लगायतका विविध सांस्कृतिक प्रस्तुतिहरु प्रस्तुत गरेका थिए। एकाडेमिक डाइरेक्टर अमन सिटौलाले विद्यालयले विद्यार्थीहरुलाई गुणस्तरीय शिक्षा प्रदान गर्न कुनै कसर बाँकी नराखेको उल्लेख गर्दै यसैको फलस्वरूप विद्यालयले राष्ट्रिय स्तरका पुरस्कारहरु जित्न सफल भइरहेको बताइन्।
सविता सिटौलाको सभापतित्वमा सम्पन्न कार्यक्रममा विद्यालयका निर्देशकद्वय रोहितजंग थपलिया र अशेस सिटौला तथा प्रिन्सिपल एडल्फ रोपार्जको पनि उपस्थिति रहेको थियो।
