विराटनगर । विराटनगरमा रहेको हाजी स्टोर विराटनगरले मोटोरोला कम्पनीको मोबाइल सार्वजनिक गरेको छ ।
आज (बिहीबार) पत्रकार सम्मेलन गर्दै हाजीले मोटोरोलाको जी ४५, जी ६४ र जी ८५ माेडलका स्मार्टफाेन सार्वजनिक गरेकाे हाे ।
हाजी स्टोरका सञ्चालक खुर्सिद आलमले विराटनगरमा आधिकारिक वितरकको रुपमा मोटोरोलाको मोबाइल सार्वजनिक गरेको बताए ।
‘चौधरी ग्रुप’ले नेपालमा मोटोरोला कम्पनीको फोन भित्र्याएको थियो । मोटोरोलाको नयाँ जी ४५ सिरिजको मोबाइल नेपाली बजारमा २४ हजार नौ सय ९९ रुपैयाँ पर्छ । जी ६५ काे ३० हजार नौ सय ९९ र जी ८५ सिरिजकाे माेबाइलकाे मुल्य ३४ हजार चार सय ९९ रुपैयाँदेखि ३७ हजार चार सय ९९ रुपैयाँसम्म पर्नेछ ।
माेबाइल फाेनमा केही समयपछि किस्ताबन्दीकाे सुविधा समेत उपलब्ध हुने हाजी स्टोरका सञ्चालक आलमले बताए।
