विराटनगर । नेकपा (एकीकृत समाजवादी) पार्टीका ओखलढुंगा जिल्ला अध्यक्ष हंसराज वाग्लेले पार्टी परित्याग गरेका छन् ।
आज(बिहीबार) उनी एकीकृत समाजवादी त्याग्दै नेपाली कांग्रेसमै फर्किएका हुन् ।
कांग्रेस सभापति शेरबहादुर देउवाले उनलाई बुढानीलकण्ठमा माला लगाएर पार्टीमा स्वागत गरेका छन् । वाग्ले समाजवादीमा जानु पहिले नेपाली कांग्रेसकै जिल्ला सदस्य थिए । तर समाजवादीमा प्रवेश गरेपछि उनी ओखलढुंगाको जिल्ला अध्यक्ष तथा कोशी प्रदेश कमिटी सदस्य समेत थिए ।
समाजवादी खेलकुद महासंघको कोशी प्रदेश कमिटी संयोजक तथा राष्ट्रिय खेलकुद परिषद्को कोशी प्रदेशको निवर्तमान सदस्य सचिवसमेत हुन् ।
