विराटनगर । विराटनगरको तिनटोलिया युवा चोकमा रहेको टोड्लर्स हेभन स्कुलले बालबालिकाको पढाई र सिकाइमा उत्कृष्ट छाप छाड्दै आएको छ।
विस २०६२ मा स्थापना भएको यो प्रि-स्कुलमा बालबालिकाले रमाउँदै, खेल्दै र सिक्दै आफ्ना प्रारम्भिक ज्ञान र सीप विकसित गरिरहेका छन्।
बालमैत्री वातावरणका लागि प्रख्यात यस विद्यालयमा सुविधा सम्पन्न कक्षाकोठा, खेल सामग्री, तथा बालबालिकाको स्वास्थ्यलाई ध्यानमा राखेर तयार पारिएको हाइजेनिक खानाको व्यवस्था गरिएको छ। प्रि-नर्सरीदेखि कक्षा ५ सम्मको शिक्षालाई समेटेर यहाँको पठनपाठन बालकेन्द्रित विधि र नवीनतम शिक्षण पद्धतिमा आधारित छ।
सुरुवाती शिक्षा र जीवनभरको आधार तयार गर्ने उद्देश्यले तोडलर्स हेभन स्कुलले विद्यार्थीहरूलाई रमाइलो र सुरक्षित वातावरणमा सिकाइको अवसर प्रदान गर्दै आएको छ। अभिभावकहरूका लागि यो स्कुल आफ्ना सन्तानको शैक्षिक सुरुवातका लागि पहिलो रोजाइ बन्दै गएको छ। स्कुलले सरस्वती पुजाको अवसरमा अक्षरारम्भ कार्यक्रम समेत राखेको छ।
