विराटनगर । विगत ४ बर्षदेखी कोशी प्रदेशमा १ नम्बरमा पर्दै आएको विराटनगरको शिक्षादिप कलेजले २ सय ७६ जना विद्यार्थीलाई सम्मान गरेको छ ।
शिक्षादिप कलेजका कक्षा ११ र १२ का विज्ञान र व्यावस्थापन संकायका २ सय बढी विद्यार्थीहरुलाई कलेजले सम्मान गरेको हो ।
कलेजले ५७ जना नगद सहित विशेष सम्मान गरेको छ भने २ सय १९ जना प्रमाणपत्र, अविर ,खदा र मालासहित सम्मान गरेको हो । कलेजले लिएको दोस्रो त्रैमासिक परीक्षामा सर्वोउत्कृष्ट अंक ल्याउने, त्यसैगरी विराटनगर महानगरपालिकाले आयोजना गरेको विज्ञान प्रर्दशनीमा सहभागी दोस्रो स्थान हासिल गर्ने विद्यार्थी, मेडिकल ईन्जिनियरीङको पुर्व परीक्षामा नाम निकाल्ने विद्यार्थी , रोबटिक, एस्ट्रोनमी, एभिएशन र आईटीमा सहभागी र हिसानले आयोजना गरेको खेलकुद प्रतियोगितामा सहभागी छात्रछात्रालाई सम्मान गरिएको कलेजका निर्देशक भुपेन्द्र दाहालले जानकारी दिनुभयो ।
सम्मानित विद्यार्थीहरुलाई कलेजका प्रिन्सीपल ज्ञानबहादुर खड्का , कलेजका कोअडिनेटर, नविन कुमार राय , डाईरेक्टर शंकर भट्टराई, डाईरक्टर रमेश मण्डल, शैलेन्द्र शिवाकोटी, राजेन्द्र प्रसाद यादव, ललित नारायण मण्डल, डा. विमल श्रीवास्तम , रामचन्द्र अधिकारीले सम्मान गरेका थिए ।
कलेजले विद्यार्थीहरुलाई पढाईका अतिरिक्त व्यावहारीक शिप र ज्ञानलाई अगाडी बढाउदै आएकाले कलेज कोशी प्रदेशमा उत्कृष्ट बन्न सफल भएको कलेजका प्रिन्सिपल ज्ञानबहादुर खड्काले बताउनुभयो ।
सम्मानित विद्यार्थीहरुलाई आगाामी दिनको सफलताको कामना दिदै आउने दिनहरुमा पढाईलाई उत्कृष्ट बनाउदै नाम रोशन गर्न समेत प्रिन्सिपल खड्काले आग्रह गरे ।
कलेजले विगत लामो समयदेखी पढाईका अतिरिक्त विभिन्न कार्यक्रमहरु गर्दै आएको जनाएको छ ।
