विराटनगर । ९ औं संस्करणको विराट गोल्डकपको दोस्रो दिनको खेल सुरु भएको छ ।
विराटनगरको सहिद रंगशालामा दोस्रो दिन विभागीय टिम सशस्त्र प्रहरी बल (एपीएफ) र सुदेवा दिल्ली फुटबल क्बल भारत बीच हुँदैछ ।
एपीएफ छैठौं संस्करणको विराट गोल्डकपको बिजेता टिम हो ।
बुधबार पहिलो क्वाटरफाइनल खेल हुनेछ । पहिलो क्वाटरफाइन खेल त्रिभूवन आर्मी र आयोजक मोरङ रिजालको एफए बिच प्रतिस्पर्धा हुँदैछ ।
फागुन २८ गते फाइनल रहेको छ । प्रतियोगितामा बिदेशी दुई टमसहितका स्वदेशी ‘ए’ डिभिजनका १० टिमको सहभागी रहेको छ । प्रतियोगितामा गोल्डकपका विजेताले ११ लाख र उपविजेताले पाँच लाख नगद र सिल्ड प्राप्त गर्नेछन् । यसैगरी सर्वोत्कृष्ट खेलाडीले नगद ५१ हजार रुपैयाँ, उत्कृष्ट प्रशिक्षक र गोलरक्षकले १५ हजार, सर्वाधिक गोलकर्ताले १५ हजार नगद पुरस्कार पाउनेछन् । गोल्डकपमा हरेक दिनका म्यान अफ दी म्याच खेलाडीलाई पनि नगद ११ हजारले पुरस्कृत गरिनेछ ।
