धनकुटा, फाल्गुन २०
धनकुटाको पाख्रिवास नगरपालिका-९ स्थित घोर्लीखर्कमा बिहिबार अपरान्ह भएको आगलागीबाट अठार लाख बराबरको क्षति भएको छ।
घोर्लीखर्क-९ वस्ने वीर बहादुर तामाङको घरमा अचानक विधुतको तारले वांसलाई छुँदा करेन्ट सर्ट भई आगलागी भएको थियो।
आगलागीबाट तामाङको ढुंगामाटोले बनेको तिन तले घर, अन्नपात, लत्ताकपडा भाडावर्तन, काठपात, १८ तोला सुनचाँदीका गहना, नगद २ लाख रुपैया तथा ५ वटा चौपाया पूर्ण रुपमा जलेर नष्ट हुँदा १८ लाख बराबरको क्षति भएको पिडितले बताए।
उक्तआगलागी प्रहरी र स्थानीयवासीको सहयोगमा नियन्त्रणमा आएको इलाका प्रहरी कार्यालय पाख्रिबासले जनाएको छ।
