विराटनगर । सुनसरी इटहरीका १२ वर्षीय आविस्कार बरालको मामा घर पथरी गएको बेला चट्याङले लागेर मृत्यु भएको छ । कानेपोखरी गाउँपालिका १ होक्लाबारीस्थित मामा शंकर दाहाल को घरमा गएका उनलाई बुधबार चट्याङले हानेको थियो ।
साइकल कुदाई रहेका उनलाई चट्याङले लागेपछि गम्भीर घाईते भएका थिए । घाईते उनलाई विराट टिचिङ अस्पतालमा उपचारका लागि भर्ना गरिएको थियो ।
उनको स्वास्थ्य परीक्षणका क्रममा चिकित्सकले मृत घोषणा गरेको इलाका प्रहरी कार्यालय पथरीका प्रहरी नायव उपरीक्षक मोहनबिक्रम दाहालले जानकारी दिए । घटनापछि सुनसरी इटहरीबाट बुबा बिश्वराज बरालसहित अस्पताल आएका थिए ।
बुधबार बर्षासँगै परेको चट्याङको समयमा उनी बाहिर साइकलमा खेलिरहेका थिए । प्रहरीले घटनाको थप कानुनी प्रक्रिया बारे अनुसन्धान गरिरहेको बताएको छ ।
