डिग्निटि पुल एन्ड स्नुकर क्लबकाे अायाेजनामा भएकाे अल नेपाल अाेपन स्नुकर टुर्नामेन्टकाे बिजेता विराटनगर १५ निवासी अमन कार्की भएका छन् । अाज अायाेजित प्रतियाेगिताकाे समापन समाराेहमा बिजेता कार्कीलाइ ट्रफि तथा ८१ हजार नगद पुरस्कार प्रदान गरिएकाे छ । कार्यक्रमका प्रमुख अतिथि तथा नेकपा एमालेकाे माेरगं जिल्ला समिति सचिवालय सदस्य पारूल क्षेत्रीले पुरस्कार प्रदान गर्नु भएकाे हाे ।
यसै गरि प्रतियाेगितामा फस्ट रनरअप इटहरीका विकाश गुरूङ, सेकेन्ड रनरअप बुटवलका रेगन श्रेष्ठ, हाइअेस्ट ब्रेक अफ दि टुर्नामेन्ट अारके सहनी र इमर्जिङ प्लेअर अफ दि टुर्नामेन्ट अायुष गाैतम भएका थिए ।
समापन समाराेहमा प्रमुख अतिथि पारूल क्षेत्रीका साथै, साैर्य एयरलायन्सका प्रतिनिधि देवेश खनाल, टुर्नामेन्ट संयाेजक सञ्जय बिककाे उपस्थिति रहेकाे थियाे । कार्यक्रमकाे सभापतित्व डिग्निटिका निर्देशक संजिव तामाङले गरेका थिए ।
गत फाल्गुन २० गते देखि विराटनगरमा अायाेजना भएकाे उक्त प्रतियाेगितामा देशभरीका ६० भन्दा बढी खेलाडीहरूकाे सहभागीता रहेकाे थियाे ।
