प्रबिन दाहाल
स्वास्थ्यमन्त्री गगन थापालाई सरकारबाट फिर्ता बोलाउन लागेको भन्दै तरुण दलले खबरदारी गरेको छ। मन्त्री थापालाई फिर्ता बोलाउने पार्टीको तयारी रहेको खबरसँगै युवाहरूले तुलसीपुरमा र्याली निकालेको तरुण दल दाङका अध्यक्ष टीका घर्तीले बताए। र्यालीका सहभागीहरूले ‘गगन थापालाई काम गर्न देऊ’, ‘हाम्रो विश्वास हाम्रो भरोसा गगन थापा’ जस्ता नाराहरु लेखिएका प्लेकार्ड बोकेका थिए। बजारका विभिन्न भागहरुको परिक्रमा गरेको र्यालीमा तरुण दल दाङका अध्यक्ष टिका घर्ती ,तरुण दल जिल्ला सह–सचिव ध्रुव आचार्य, नेविसंघका जिल्ला सह–सचिव जितेन्द्र प्रकाश वली, नेविसंघ क्षेत्र नम्वर ४ का कार्यवाहक अध्यक्ष तेजेन्द्र हमाल लगाएत सहभागी थिए।
