विराटनगर । 'हाम्रो रक्त हाम्रो लागि' भन्ने नाराका साथतेरापंथ युवक परिषद् विराटनगरले आयोजना गर्न लागेको मेगा ब्लड डोनेशन ड्राइव ब्यानरको विराटनगर महानगरपालिकाका मेयर नागेश कोईरालाले विमोचन गरेका छन् ।
आउदो असोज १ गते विश्वको ५० भन्दा बढी देशमा एकै पटक मेगा ब्लड डोनेशन ड्राइव कार्यक्रमको शुभारम्भको लागि शनिबार मेयर कोईरालाले ब्यानरको विमोचन गरेका हुन् । तेरापंथ युवक परिषद् विराटनगरले असोज १ गते विराटनगरको ५ स्थानमा एकै दिन मेगा ब्लड डोनेशन कार्यक्रम गर्ने भएको छ ।
परिषद्ले असोज १ गते विराटनगरको जैन भवन लगायत पाँच स्थानमा एकैपटक ५ सय प्रिट ब्लड संकलनको कार्यक्रम रहेको समितिका कार्यक्रम संयोजक अमित धाडेवालले कार्यक्रममा जानकारी दिए ।
