भारत । भारतको सिलिगुडीमा जारी दुन फुटबल फिएष्टा सिजन २ अन्तर्गत आज सम्पन्न खेलमा बिराटनगरको डीपीएस स्कुलले शानदार प्रदर्शण गर्दै प्रतिस्पर्धि दार्जिलिङ पब्लिक स्कुल लाई १–० गोल अन्तरले पराजित गरेको छ । मंगलवारको खेलमा डीपीएसको तर्फबाट एक मात्र बिजयी गोल जर्सी नं। २१ का खेलाडी जेनिल बिष्टले गरेका थिए । उनको उत्कृष्ट प्रदर्शनका आधारमा उनलाई म्यान अफ द म्याच घोषित गरियो ।
यस जित सगैं डीपीएस टोलीले प्रतियोगिताको अर्को चरणमा स्थान सुरक्षित गरेको छ । टोलीका प्रशिक्षक सुमित डँगोलले खेलाडीहरुको प्रदर्शनको प्रशंसा गर्दै आगामी खेलमा डीपीएस स्कुलले अझै राम्रो खेल देखाउने विश्वास व्यक्त गरे ।
