विराटनगर महानगरपालिका–७ सात घुम्ती नजिकको एक प्लास्टिक उद्योगमा भीषण आगलागी भएको छ। केही समयअघि सुरु भएको आगो अहिले पनि नियन्त्रणबाहिर रहेको प्रहरीले जनाएको छ।
फ्याक्ट्रीभित्र आगो तीव्र रूपमा फैलिएको छ र त्यसलाई नियन्त्रणमा ल्याउने प्रयास जारी छ। तर, अहिलेसम्म आगो नियन्त्रणमा आउन सकेको छैन।
आगलागी नियन्त्रणका लागि विराटनगरका दमकलसँगै सुनसरीका विभिन्न स्थानीय तहबाट पनि थप दमकल बोलाइएको छ। सुरक्षाकर्मी, स्थानीयबासी र दमकल टोली आगो निभाउन निरन्तर प्रयासरत छन्।
उद्योग नजिकका घर तथा संरचनाहरू जोखिममा परेका छन्। आगलागीको कारण भने अझै खुल्न बाँकी रहेको प्रहरीले जनाएको छ।
