विराटनगर । मासु व्यवसायी संघ मोरङको अध्यक्षमा पुनःसुवास शिवाकोटी चयन भएका छन् । संघमा आवद्ध सदस्यहरुको आइतबार भएको भेलाले नयाँ समिति गठन गरेको हो । शिवाकोटी अध्यक्ष रहेको समितिमा टंकप्रसाद गौतम उपाध्यक्ष, सचिवमा रणधित थापा, उपसचिव फडिन्द्रराज बराल, सह–सचिव कृष्ण चौधरी र कोषाध्यक्ष प्रकाश सुवेदी रहेका छन् ।
यसैगरी सदस्यहरुमा जीवन कुमारी नेपाल र एम.डी.सान्बाज रहेका छन् । संघले भेलासँगै आइतबार पिकनिक आयोजना गरेको अध्यक्ष शिवाकोटीले जानकारी दिएका छन् । विराटनगरमा खसीको मासु एक हजार १०० बाट बढाएर एक हजार ३०० पु¥याइएको छ ।
गत माघ १ गतेदेखि बोसोसहितको मासु खरिद गर्दा एक हजार २०० र बोसोरहितलाई एक हजार ३०० बनाइएको हो । यस अगाडी बोसोसहित एक हजार र बोसोरहित एक हजार १०० प्रतिकेजी रहेको थियो ।
