पुर्बाञ्चल बिश्व बिद्यालयका बिद्यार्थीहरुले पढ्न पाउनुपर्ने माग गर्दै आज बिराटनगरमा प्रदर्शन गरेका छन् । उनीहरुले बिश्व बिद्यालयका परिक्षा नियन्त्रक र रजिष्टारको पुत्ला समेत दहन गरेका छन् । बिश्व बिद्यालयमा पदाधिकारी नियुक्तीको बिषयलाई लिएर बिद्यार्थी संगठनहरुले तालाबन्दी गर्दा समेत खुलाउन पहल नगरेको भन्दै उनीहरुले बिश्व बिद्यालय प्रशासन प्रति आक्रोस समेत पोखेका छन् । राजनितिक बिषयमा भएको असमझदारीका कारण बिद्यार्थीको भबिश्य माथी खेलबाड गर्ने काम भएको भन्दै उनीहरुले तत्काल समस्या समाधान गर्न माग गरे । आफुहरुको चार बर्षको कोर्ष ६ बर्ष पुग्दा समेत नकिएको भन्दै उनीहरुले तालाबन्दी खोली रोकिएको परिक्षा तत्काल सुचारु गर्न पनि बिश्व बिद्यालय प्रशासन समक्ष माग गरेका छन् । बिश्व बिद्यालयको रिक्त ब्यवस्थापन संकायको डिन, सहडिन, परिक्षा नियन्त्रक, सहायक परिक्षा नियन्त्रक लगायतका पदमा एकलौटी ढंगले नियुक्ती गरीएको भन्दै नेबिसंघ र मधेशबादी दलका बिद्यार्थी संगठनहरुले बिश्व बिद्यालयमा तालाबन्दी गरेका छन् ।
