विराटनगरमा गो-कार्ट रेसिङ’ सफलतापूर्वक सम्पन्न भएको छ। नेपाल युवा उद्यमी मंच विराटनगर च्याप्टरले भाइरल इभेन्टसँगको सहकार्यमा उक्त प्रतियोगिता आयोजना गरेको हो।
प्रतियोगितामा ३६ जनाको सहभागिता रहेको थियो। प्रतिस्पर्धामा मिलिन्द काबरा प्रथम, मुकुन्द राठी द्वितीय तथा सिद्धार्थ काबरा तृतीय भएका छन्।
प्रतियोगिताका विजेतालाई क्रमशः २५ हजार, १५ हजार र १० हजार रुपैयाँ नगद पुरस्कार प्रदान गरिएको आयोजकले जनाएको छ।
कार्यक्रम विराट स्पोर्ट्स जोन विराटनगरमा आयोजना गरिएको थियो।
