काठमाडौं, भदौ १३ गते
नेपाली पुरुष भलिबल टोलीले मंगलबार भएको मैत्रीपुर्ण खेलमा बंगलादेशलाई २५–२७, २५–१७, २५–१६, २५–२३ ले पराजित गरेको छ ।
ललितपुर लगनखेल स्थित आर्मीको कभर्ड हलमा नेपालको जितमा कुल बहादुर थापाले सर्वाधिक २१ स्कोर गरेका थिए । नेपालको जितमा हरि अधिकारीले १३,मानबहादुर श्रेष्ठले १२ र इम रानाले ९ अंक गरेका थिए । बंगलादेशका लागि होरोसितले १८ अंक जोडेका थिए । बुधबार दोश्रो मैत्रिपूर्ण खेलमा लगनखेल स्थित आर्मीको कभर्ड हलमा नै हुनेछ ।
