त्तरीया । कैलारीमा महिलालार्इ बलात्कार गर्न खोजेको बदलामा स्थानीयबासीले एक व्यक्तिलार्इ कालोमोसो दल्नुका साथै जुत्ताको माला लगाइदिएका छन् । कौलीको कैलारी गाउँपालिका–१, दक्षिण मन्झरामा स्थानीय महिलालार्इ बलात्कार गर्न खोजेको अभियोगमा स्थानीय कृष्णप्रसाद चौधरीलाई यस्तो गरीएको हो । उनले चैत्र २३ गते राति १२ बजेतिर स्थानीय महिलामाथि जबरजस्ती गर्न खोज्दा स्थानीयले पक्राउ गरेका थिए ।
कामको सिलसिलामा श्रीमान बाहिर गएको मौका छोपी राति घरमा आएर आफूमाथि जबरजस्ती गर्न खोजेको पीडित महिलाले बताएकी छिन् । जबरजस्ती गर्न खोजेपछि उनले गुहार मागेपछि स्थानीयहरु आएर चैधरीलाई पक्राउ गरेका थिए ।
चैत्र २४ गते गाउँका स्थानीय महिलाहरुले कालोमोसो साथै जुत्ताको माला लगाएका थिए ।
स्थानीय भल्मन्सा लगायतको उपस्थितमा दुईलाख दण्ड जरिवाना गर्नुका साथै आइन्दा यस्तो गल्ती कहिल्यै नगर्ने भनि माफी मगाएका छन् ।
