यातायात व्यवसायीहरूले देशभर चल्ने लामो दूरीका सार्वजनिक यातायात बन्द गरे

<span class='c1'>यातायात व्यवसायीहरूले देशभर चल्ने लामो</span> <span class='c2'>दूरीका सार्वजनिक यातायात बन्द गरे</span>

यातायात व्यवसायीहरूले देशभर चल्ने लामो दूरीका सार्वजनिक यातायात बन्द गरेका छन्।

सिण्डिकेट तोड्ने सरकारी निर्णयका विरुद्ध चरणबद्ध आन्दोलनको घोषणा गरेको राष्ट्रिय यातायात व्यवासायी महासंघ आबद्ध व्यवसायीहरूले लामो दूरीमा चल्ने सवारीसाधन ठप्प पारेका हुन्।

सार्वजनिक यातायात चलाउन बनाइएका समिति खारेज गर्ने, कम्पनीमा जानुपर्ने लगायतका सिण्डिकेट तोड्ने सरकारी नियमका विरुद्ध आन्दोलनमा उत्रिएका व्यवसयीहरूले आज लामो दूरीमा चल्ने सबै गाडी ग्यारेजमा थन्काएको महासंघका महासचिव सरोज सिटौलाले जानकारी दिए।

सरकारले ल्याएको नीति हेरफेर नभएसम्म आन्दोलन जारी राख्ने भन्दै सिटौलाले भोलि सबै क्षेत्रमा चल्ने गाडी ग्यारेजमा थन्किने बताए।

आज देशभर समितिमार्फत चल्ने गाडीका काउन्टरहरू बन्द भएका छन्। उनीहरूले आज लामो दूरीमा कुनै पनि गाडी नचलाउने बताएका छन्।

ग्यारेजमा थन्काउने गाडीको रुट परमिट खारेज गरिदिने सरकारी चेतावनीका बाबजुद समितिहरूले देशभर लामो दूरीमा यातायात बन्द गर्दा यात्रुहरूले सास्ती पाएका छन्।(सेतोपाटि)

यो खबर पढेर तपाईलाई कस्तो महसुस भयो ?

Loading spinner

सम्बंधित खबरहरु


विशेष भिडियो

<span class='c1'>बरगाछीमा ट्राफिक लाईट जडान</span> <span class='c2'>भएपछि ट्राफिक व्यवस्थापनमा सहज</span>

तपाईको प्रतिक्रिया लेख्नुहोस्