बिराटनगर जेठ २२ , बिराटनगरमा केहि दिन यता गर्मि निक्कै बढेको महशुस गर्न थालिएको छ । आज (मंगलबार) बिराटनगरको मौसम (एकु वेदर) अनुसार ३७ डिग्री सेल्सियस तापक्रम रहेको छ ।
चर्को गर्मीको कारण बिराटनगर बजार सुनसान रहेको छ भने यस्तै गर्मी हुने हो भने मानिसहरु बिमारी समेत पर्न सक्ने डा.साहिल थपलियाले आवर बिराटनगरलाई बताए । गर्मीमा घर बाहिर धेरै नहिड्न , पानीको सेवन धेरै गर्न उनको सुझाब रहेको छ ।
यता , प्रि मनसुनी गतिविधि सक्रिय बनेका कारण देशका विभिन्न स्थानमा आज बदली र वर्षा भएको छ । केही दिनभित्रै मनसुन पूर्वी नेपाल हुँदै नेपाल प्रवेश गर्ने मौसमविदले बताएका छन् ।
