काठमाडौं । काठमाडौंबाट पोखरा जाँदै गरेको यात्रुवाहक बस त्रिशूलीमा खसेको छ । ना ६ ख २५०६ नम्बरको बस त्रिशूलीमा खसेको जिल्ला प्रहरी कार्यालय चितवनमा एसपी सुशील राठौरले जानकारी दिए । उनका अनुसार ना ५ ख ७४०९ नम्बरको ट्रकसँग ठक्कर खाएपछि बस त्रिशुली किनारमा खसेको हो ।
चितवनको इच्छाकामना गाउँपालिका चुम्लिङटारस्थित सडकबाट बस नदीमा खसेको हो ।
२२ जना घाइतेको उद्धार गरी उपचारका लागि भरतपुर लगिएएको एसपी राठौरले बताए । बसमा ३० जनाजति सवार रहेको बुझिएको उनले जानकारी दिए । नेपाल प्रहरी, सशस्त्र प्रहरी र स्थानीयले घाइतेको उद्धार गरिरहेको बताइएको छ । अहिलेसम्म मानवीय क्षतिकाे कुनै खबर नअाएकाे एसपी राठाैरले बताए ।
