काठमाडौँ, साउन १४ गते । नागरिकता, व्यक्तिगत घटना दर्ता र एकल महिला सुरक्षा कोषसँग सम्बन्धित मोबाइल एप्लिकेशन ‘थाहा छ ?’ सञ्चालनमा ल्याइएको छ ।
अक्सफामको सहयोगमा मानव अधिकारका लागि महिला, एकल महिला समूह (डब्लूएचआर) ले यो एप्लिकेशन सञ्चालनमा ल्याएको हो । यस एप्सले नागरिकता, एकल महिला सुरक्षा कोषबारे कानुनी जानकारी दिन्छ । एप्स सबैका लागि निःशुल्क हो । यो डाउनलोड गर्नका लागि मोबाइलको प्ले स्टोरमा गएर Thahachha लेखेर खोज्न सकिने जनाइएको छ ।
