दाङ । दाङको घोराही–तुलसीपुर सडक खण्डअन्तर्गत ग्वारखोलामा आएको बाढीले आइतबार यात्रुवाहक बस बगाएको छ । धनगडीबाट दाङ आएको ना २ ख ८१३६ नम्वरको बस घोराहीवाट तुलसीपुर जाने क्रममा ग्वार खोलाले बगाएको इलाका प्रहरी कार्यालयका प्रहरी नायव उपरिक्षक प्रकाश सापकोटाले जानकारी दिए ।
घोराहीवाट तुलसीपुर आउने क्रममा बसलाई खोलाले बगाउदा १२ जना घाइते भएका छन । घाइतेहरु मध्य गम्भीर ४ जनालाई कोहलपुर र बाँकी ८ जनाको राप्ती अञ्चलन अस्पताल तुलसीपुरमा उपचार भइरहेको समेत प्रहरी उपरिक्षक सापकोटाले जानकारी दिए ।
दिनभरीको वर्षाले घोराही तुलसीपुरका विभिन्न खोलाहरुमा आएको बाढीका कारण दिनभर घोराही–तुलसीपुर सडक खण्डमा यातायातका साधनहरु चल्न सकेनन् ।
