काठमाडौं । आइतबार अपहरणपछि हत्या गरिएका ११ वर्षीय बालक निशान खड्काको घाँटीमा कपडा कोचिदिएर हत्या गरेको खुलेको छ ।
त्रिवि शिक्षण अस्पतालमा गरिएको पोष्टमार्टमका क्रममा यस्तो देखिएको हो । पोष्टमार्टमा संलग्न एक चिकित्सकका अनुसार घाँटीमा कोचिएको कपडा रुद्रघन्टीसम्म नै पुगेको थियो ।
उनको हत्या आइतबार नै गरिएको बताइएको छ । अपहरणको केहिबेरमै निशानको हत्या भएको हुन सक्ने देखिएको छ । मलेसियामा रहेका बुबा आज स्वदेश फर्किएपछि निशानको दाहसंस्कार गर्ने तयारी परिवारले गरेका छन् ।
सिन्धुपाल्चोक घर भई काठमाडौंको काँडाघारीमा बस्दै आएका खड्का स्थानीय हाइल्यान्ड स्कुलमा कक्षा ६ मा अध्ययनरत थिए ।
उनको अपहरण र हत्यामा संलग्न भएका अजय तामाङ र गोपाल तामाङको पनि सोमबार प्रहरी इन्काउन्टरमा मृत्यु भइसकेको छ ।
