काठमाडौं, असोज १० । उद्योगीले चिनीको भाउ बढाएका छन् । चिनीको उद्योग मूल्य प्रतिकिलोग्राम ६४ रुपैयाँ पुर्याएका हुन् ।यसअघि, प्रतिकिलो ६१ रुपैयाँ थियो ।
लागत मूल्यभन्दा धेरै कम भएकाले चिनीको मूल्य समायोजन गरिएको चिनी उद्योग संघका महासचिव राजेश केडियाले बताए ।
उद्योगीले यसअघि प्रधानमन्त्री केपी शर्मा ओलीलाई भेटेर चिनी आयातमा प्रतिबन्ध लगाउन दबाब दिएका थिए ।
सरकारले चिनी आयात रोकेपछि उद्योगीले भाउ बढाएको भन्दै उपभोक्ताहरुले भने तीव्र असन्तुष्टि जनाएका छन् ।
संघले भने लागत मूल्य ७० रुपैयाँ रहेको र दसैं–तिहारसम्म प्रतिकिलो ६५ रुपैयाँभन्दा बढी नबढाउने प्रतिबद्धता सरकारसँग गरेको महासचिव केडियाले बताए ।
