विराटनगर, १८ असोज । ईलाका प्रहरी कार्यालय रानीले विभिन्न समयमा बरामद गरेको अवैध लत्ता कपडा आज भन्सार बुझाएको छ । ईप्रका रानी, सिमा प्रहरी चौकी, अस्थायी प्रहरी पोष्ट मटेरुवाबाट खटिएको टोलीले भन्सार छली नेपाल तर्फ ल्याउँदै गरेको ७५ हजार मूल्य बराबरको लत्ताकपडा, गाडीको पर्टपूर्जा, खाद्यान्न र पुजा सामाग्री बरामद गरेको हो । बरामद सामान आवश्यक कारवाहीको लागि आजै विराटनगर भन्सार कार्यालय रानीमा बुझाईएको ईलाका प्रहरी कार्यायलय रानीले जनाएको छ । केही दिन यता दशै नजिकिँदै गर्दा प्रहरीले सर्बसाधारणको सामानमा कडाई गर्न थालेका गुनासा बढेको छ । ईलाका प्रहरी कार्यालय रानीले सर्बसाधारणलाई थोरै घरायसी प्रयोजनामा ल्याईएका सामानमा कडाई गरेको सर्बसाधारणको आरोप छ । केही दिन अघिसम्म सहज रुपमा सामान ल्याउँदै गरेका सर्बसाधारणको लागि अहिले असहज बनेको हो ।
