चितवन कार्तिक २ : शुक्रबार राति चितवनमा बस दुर्घटना हुँदा ३ जनाको मृत्यु भएको छ। झापाको काँकडभिट्टाबाट पोखरा हिँडेको ना ५ ख ४३८३ नम्बरको बस शुक्रबार राति १ बजे चितवनको इच्छाकामना गाउँपालिका ६ जलविरेमा दुर्घटना भएको हो।
बस मोडिन नसक्दा दुर्घटना भएको प्रहरीको अनुमान छ। बस सडकबाट सिधै खोलामा पुगेको छ। जिल्ला प्रहरी कार्यालय चितवनका अनुसार मृतकमध्ये झापा मेची नगरपालिका ८ बस्ने ३५ वर्षीय उदयमान राजवंशीको सनाखत भए पनि अन्य दुई जनाको सनाखत हुन सकेको छैन।
घाइतेमध्ये २२ जनाको चितवनकै पुरानो मेडिकल कलेज र एकजनाको नयाँ मेडिकल कलेजमा उपचार भइराखेको छ। मृतकको शव भरतपुर अस्पतालमा राखिएको छ।
