विराटनगर, ६ कात्तिक। लागू-औषध सहित प्रहरीले एक युवकलाई पक्राउ गरेको छ । मोरङ उर्लाबारी नगरपालिका-६ स्थित मावा खोला पुलबाट भारत घर भई हाल उर्लाबारी-६ बस्ने वर्ष २५ को बिजय पोहरालाई पक्राउ गरिएको हो । शंकास्पद अवस्थामा बसिरहेका पोहरालाई चेकजाँच गर्ने क्रममा लागूऔषध डाईजेपाम-९ एम्पुल, फेनारगन-९ एम्पुल र लुपिजेसिक-८ एम्पुल र नगद १७ हजार ३ सय ९५ रुपैँया बरामद गरेकाे हाे । पक्राउ परेका उनलाई इलाका प्रहरी कार्यालय उर्लाबारीमा राखि थप अनुसन्धान भइरहेको छ ।
