उर्लावारी, १० कात्तिक। मोरङको उर्लाबारी नगरपालिका-९ काे उर्लाबारी-ईटहरा सडक खण्डमा मोटरसाईकल दुर्घटनामा परि चालकको मृत्यु भएको छ । उत्तरबाट दक्षिण तर्फ जाँदै गरेको को ३५ प ९७७३ नम्बरको मोटरसाईकल आँफै अनियन्त्रित भई दुर्घटना हुँदा मोटरसाईकल चालक उर्लाबारी नगरपालिका-८ सुठुनी डाँडा बस्ने बर्ष २७ को शैलेश गौतमको मृत्यु भएको हो । दुर्घटनामा परी गम्भिर घाईते गौतमलाई उपचारको लागि अरनिको हस्पिटल उर्लाबारी पठाएकोमा उपचारको क्रममा मृत्यु भएको इलाका प्रहरी कार्यालय उर्लाबारीले जनाएको छ । गौतमको शव पोष्टमार्टमको लागि उर्लाबारीमा रहेकाे मंगलबारे हस्पिटल पठाइएको छ ।
