बिराटनगर पुष ९ , सुन्दर-हरैचा नगरपालिका-७ गोठगाँउमा ट्रकको ठक्करबाट १ जनाको मृत्यु भएको छ । पूर्व-पश्चिम राजमार्गमा पूर्वबाट पश्चिम तर्फ जाँदै गरेको को १ क १४६८ नम्बरको दुध बोक्ने ट्रकले विपरित दिशाबाट आउँदै गरेको ठेलालाई ठक्कर दिएको थियो ।
ठक्करबाट ठेला चालक सुन्दर हरैँचा नगरपालिका-२ बस्ने वर्ष ४५ को चन्दन चौधरीको घटनास्थलमा नै मृत्यु भएको जिल्ला प्रहरी कार्यालय मोरङले जनाएको छ । मृतको शव परिक्षणको लागि धरान स्थित वि.पी. कोइराला स्वास्थ्य विज्ञान प्रतिष्ठान धरान पठाईएको छ भने ट्रक र चालकलाई इलाका प्रहरी कार्यालय बेलवारीको नियन्त्रणमा राखिएको छ ।
