विराटनगर, १० पुस ।
अनेरास्वबियुले दाङमा भएको गाडी दुर्घटनामा ज्यान गुमाएका बिद्यार्थीको सम्झनामा दिप प्रज्वलन गरी दुख ब्यक्त गरेको छ । देशलाई ठुलो क्षती पुग्ने गरी भएको बस दुर्घटना प्रति दुःख ब्यक्त गर्दै अनेरास्वबियु महेन्द्र मोरङ ईकाई कमिटिले शोकमा डुबेका परिवार प्रति समवेदना समेत ब्यक्त गरेको छ । गाडी दुर्घटनामा परी ज्यान गुमाउने बिद्यार्थीहरुको चिरशान्तिको कामना गर्दै अनेरास्ववियु अनेरास्ववियू क्रान्तिकारी समेतको संयुक्त आयोजनामा दिप प्रज्वलन गरिएको हो । यसरी आयोना गरिएको शोक कार्यक्रममा ज्यान गुमाउने भएका बिद्यार्थीहरुको तस्वीर सहितको प्लेट कार्ड बोकेर श्रद्धाञ्जली अर्पण गरिएको अनेरास्ववियुका ईकाई अध्यक्ष नविन पहाडीले बताए । दाङमा शुक्रबार भएको बस दुर्घटनामा २ दर्जन बढी स्कुले विद्यार्थीकाे ज्यान गएकाे थियाे ।
