सुनसरी, ११ पुस। सुनसरीमा भएकाे सवारी दुर्घटनामा एकजनाकाे ज्यान गएकाे छ । ईनरुवा नगरपालिका-३ मा पश्चिमबाट पूर्व तर्फ जादै गरेको को.१२ प. ९५०८ नम्बरको मोटरसाईकल र सोही दिशा तर्फ जादै गरेको को. १ त. ७८१६ नम्बरको ट्याक्टरमा ठोक्किदा मोटरसाईकल चालक ईनरुवा नगरपालिका-३ बस्ने बर्ष ३० काे संजय पण्डित गम्भीर घाईते भएका थिए । घाईतेलाई उपचारको लागि जिल्ला अस्पताल ईनरुवा लगिएकोमा उपचारको क्रममा मृत्यु भएको थियो । दुर्घटना भएको मोटरसाईकल, ट्याक्टर र ट्याक्टर चालक जिल्ला प्रहरी कार्यालय सुनसरीको नियन्त्रणमा रहेका छन् भने मृतक शव पोष्टमार्टमको लागि ईनरुवा अस्पतालमा राखिएको छ ।
