विराटनगर, १७ पुस ।
विराटनगरबाट प्रहरीले लागु औषध सहित २ जनालाई प्रहरीले पक्राउ गरेको छ । विराटनगर महानगरपालिका वडा नं. ११ मा प्रहरीले लागु औषध सहित २ जनालाई पक्राउ गरेको हो । प्रहरी चौकी बखरीबाट खटिएको प्रहरी टोलीले विराटनगर ११ बस्ने बर्ष २४ को रेहान श्रेष्ठ र सिरहा भगवानपुर गाउँपालिका ६ बस्ने बर्ष २४ को सुरेश मुखियालाई लागु औषध नाइट्रोसन ३९ पत्ता ७८० ट्याब्लेट, लुपिजेसिक ८, एभिल ७ र डाईजेल्याव ७ गरी जम्मा २१ एम्पुल सहि पक्राउ गरेको हो । उनीहरुलाई लागु औषध (नियन्त्रण) ऐन २०३३ बमोजिम म्याद थप गरी अनुसन्धान शुरु भएको प्रहरीले जानाएको छ ।
