काठमाडौं । मेगा बैंक नेपालले दोस्रो त्रैमासिक अवधिसम्म ७३ करोड रुपैयाँ खुद मुनाफा आर्जन गरेको छ । बैंकले पुस मसान्तसम्म अघिल्लो आवको तुलनामा ८६ प्रतिशत बढी मुनाफा आर्जन गरेको हो ।
बैंकले यस अवधिमा ७३ करोड २० लाख रुपैयाँ मुनाफा आर्जन गरेको हो । बैंकले पहिलो त्रैमासमा ४० करोड ४५ लाख खूद मुनाफा गरेको थियो ।
बैंकको वित्तीय विवरण अनुसार अघिल्लो वर्षको दोस्रो त्रैमासिक अवधिसम्म बैंकले ३९ करोड ३६ लाख मुनाफा गरेको थियो । पुस मसान्तमा बैंकले ७० अर्ब ८५ करोड रुपैयाँ निक्षेप संकलन गरी ६५ अर्ब ८५ करोड रुपैयाँ कर्जा प्रवाह गरेको छ ।
मेगा बैंकका देशभर १०२ शाखा, १९ वटा एक्सटेन्सन काउन्टर, ८५ वटा एटीएम सञ्जाल, ११९ वटा शाखारहित बैंकिङ केन्द्रहरु र २ हजार ३०० भन्दा बढी मेगा रेमिट एजेन्ट छन् ।
