बिराटनगर जेठ १२ ,
बिराटनगरमा आज दिउसो अचानक एउटा ट्रकमा आगलागी भएको छ । बिराटनगरको महेन्द्र चोक छेउमा सडकमा निर्माणकार्य जारीरहेको अवस्थामा उक्त आगलागी भएको हो । ना १ क ८०१६ नम्बरको ट्रकमा सडक पिच गर्न अलकत्रा बोकेको अवस्थामा एक्कासी आगलागी सुरु भएको स्थानीयले बताएका छन् ।
बिराटनगर महानगरपालिकाको २ वटा दमकलले उक्त आगो निभाएको छ भने ट्रकको आधा बढी भाग जलेको छ । घटनाबाट कुनै मानवीय क्षति भने भएको छैन । के कारण आगो लागेको भन्ने यकिन जानकारी आएको छैन ।
