संखुवासभा, १७ जेठ ।
संखुवासभाको सिलिचोङ गाउँपालिका १ टेङछुङमा कुटपिट गरि एकजनाको हत्या भएको छ ।
रातको समयमा स्थानीय ४० बर्षीय आईत बहादुर राई र बर्ष ३० को बिनोद भन्ने किशोर राई बिच पुरानो रिसिईबिका कारण बादबिबाद भई झै–झगडा हुँदा रिसको आवेगमा किशोर राईले आईत बहादुर राईलाई धान कुट्ने मुस्लोले टाउकोमा प्रहार गरेको प्रहरीले जनाएको छ । गम्भी घाईते राईको उपचारको लागि स्थानीय स्वास्थ्य चौकी सिसुवाखोला लगिएकोमा उपचारकै क्रममा मृत्यु भएको जिल्ला प्रहरी कार्यालय संखुवासभाले जनाएको छ ।
घटनास्थलमा प्रहरी चौकी सिसुवाटारबाट गएको प्रहरी टोलीले किशोर राईलाई नियन्त्रणमा लिएको छ भने अन्य थप अनुसन्धान भई रहेको प्रहरीले जनाएको छ ।
